Манчестер сити славеше со убедливи 5:0 против Спортинг Лисабон и практично по првиот натпревар е сигурен патник во четврт-финалето.
Граѓаните демонстрираа супериорност над ривалот, а предводникот на англискиот првак, Пеп Гвардиола, покрај тоа што им најде мани на дел од играчите, тој го испофали Бернардо Силва.
„Сум соработувал со голем број фудбалски мајстори, но Бернардо го разбира фудбалот на едно неверојатно ниво и само неколку играчи во светот се способни за такво нешто.
Има играчи коишто се добри на топка, но тој ја разбира секоја можна акција во фудбалот“ кажа Гвардиола.
Бернардо Силва со Манчестер сити има договор до 2026, но се појавија одредени информации дека тој посакува да си замине од Англија.
q
