Манчестер сити оваа сезона игра очајно лошо, па менаџерот Пеп Гвардиола веќе планира голема реконструкција на тимот за почетокот на следната сезона. Шпанецот веќе разгледува опции за наследник на Кајл Вокер.
Искусниот 34-годишен бек е при крајот на својата кариера и не е на истото ниво од претходните сезони. Затоа, клубот активно бара негова замена.
Првиот избор на листата на Гвардиола е Ола Аина од Нотингам форест. Дваесет и осумгодишниот дефанзивец досега игра одлична сезона. Покрај тоа, неговата поливалентност и способност да игра на двете страни од одбраната го привлекоа вниманието на Пеп Гвардиола.
Дополнителна предност на Нигериецот е тоа што неговиот договор истекува на крајот од сезоната. Ова значи дека Манчестер сити може да го доведе без обесштетување во летниот преоден рок или дури и сега за симболична сума.
Ола Аина пристигна во Нотингам форест од Торино во 2023 година. Тој брзо се наметна во тимот на Нуно Еспирито Санто и досега има постигнато три гола и една асистенција на 40 натпревари.
