Менаџерот на Манчестер сити, Хосеп Гвардиола, на оригинален начин одговори на забелешките на поранешниот капитен на Манчестер јунајтед, Гери Невил, по победата над Копенхаген во ЛШ од 3:1 дека Граѓаните биле досадни.
„Од нас зависи колку сме задоволни. Ако луѓето не го ценат тоа што го правиме, нема врска. Не е голем проблем, важно е ние да сме мирни поради нас, а не поради нечиви комплименти или поплаки. Што да кажам? Му благодарам на Невил на комплиментите. Ни се воодушевуваат, сигурен сум во тоа. Луѓето во светот на фудбалот знаат колку е тешко да се биде шест или седум години на врвот во сите натпреварувања. Ќе кажам уште нешто, изгледа дека е лесно, но не е. Противниците не респектираат, иако понекогаш за одредени луѓе не е доволнно тоа што го правиме“, изјави Гвардиола.
