Менаџерот на Манчестер сити, Пеп Гвардиола, внимателно следи двајца дефанзивци од италијанската Серија А и планира да ги донесе во тимот за време на летниот трансфер период.
Според информации од Англија, Граѓаните воделе преговори за еден од нив до последниот ден од зимскиот преоден рок, но договор не бил постигнат.
Станува збор за дефанзивецот на Јувентус, Андреа Камбијасо, и за левиот бек на Милан, Тео Ернандес.
Јувентус не сака да се раздели со 24-годишниот Камбијасо за помалку од 65 милиони евра, што ги намалило шансите на Сити да го обезбеди неговиот потпис во јануари. Сепак, англискиот шампион ќе направи нов обид за него во текот на летото.
Ситуацијата со Тео Ернандес е полесна, бидејќи неговиот договор со Милан истекува за една и пол сезона, што може да го натера клубот да размисли за негова продажба ова лето.
