Манчестер сити е пред голем предизвик затоа што може да се случи да не освои ниту еден трофеј во сезоната. За тоа е свесен и тренерот Пеп Гвардиола, кој на неколку начини се обидуваше да најде решение за излез од кризата, но тоа уште не се случи.
Според некои медиуми во Англија, Гвардиола ќе се одлучи да прави голем рез во играчкиот кадар. Во актуелниот состав има дури десетмина фудбалери кои имаат над 30 години и очигледно дека врвот на кариерата на Де Бројне, Бернардо Силва, Џон Стонс, Матео Ковачиќ, Илкај Гундоган и Едерсон е помината.
На споменатите играчи може да им се додаде и Џек Грилиш, како и Кајл Вокер, кој сега е на позајмица во Милан. Тоа значи дека актуелниот англиски првак може да продаде дури осуммина фудбалери кои во минатото беа носители на играта на Сити и едноставно да започне изградба на нов тим кој повторно ќе испише трофејна историја.
