Возбудувањата во Премиер лигата продолжуваат утре, со мечеви 25 коло. Шампионот Манчестер сити гостува кај Норвич и е голем фаворит за победа со која ќе ја задржи комотната предност во однос на вториот Ливерпул.
Црвените од „Енфилд роуд“ заостануваат девет бода зад Сити, но имаат и меч плус за играње, што значи дека разликата може да падне на шест бодови. Менаџерот на Сити, Пеп Гвардиола вели дека не се чувствува сигурен со оваа бодовна разлика и дека до крајот на шампионатот мора да се освојат многу бодови, за да се остане на чело.
„Разликата со Ливерпул не е ништо. Треба многу да победуваме. Да имаме над 90 поени на крајот. Отприлика 95-96 бодови мислам дека ќе бидат доволно за да се биде првак“, вели Гвардиола.
Минатата сезона Сити стана првак со 86 бодови и тоа имаше дури 12 повеќе од второпласираниот Манчестер јунајтед.
