Фудбалерите на Жирона се вистински хит во Европа, по 16 кола се наоѓаат на лидерската позиција на табелата со само еден пораз и го свртеа вниманието на гигантите кои уште во зимскиот преоден рок ќе се обидат да ги ангажираат.
Актуелниот европски и англиски шампион Манчестер сити е во потрага во квалитетно решение за левата бековска позиција и прва желба на менаџерот Хосеп Гвардиола е играчот на Жирона, Мигел Гутиерез, пишува каталонскиот весник „Спорт“.
Голем проблем во реализирацијата на трансферот ќе претставува Реал Мадрид кој поседува 50 отсто од правата на Гутиерез.
Едно од решенијата е Жирона за осум милиони евра да го откупи делот на Реал Мадрид за осум милиони евра и потоа да го продаде на Сити. Но, за ова се прашува и Реал кој исто така може да истата сума да го откупи договорот од Жирона.
Според „Спорт“, Манчестер сити е свесен за оваа ситуација и за зимскиот преоден рок подготви понуда тешка 35 милиони евра, а сумата по половина би ја поделиле двата шпански тима.
