Менаџерот на Манчестер сити, Пеп Гвардиола, го критикуваше Челзи дека троши многу пари, и додаде дека Сити не е клуб кој не прашува за цена.
„За Челзи е многу полесно отколку за нас. Ако ги потрошевме тие суми кои ги потроши Челзи во последните два преодни рока, ќе ме убиевте. Ќе видиме што ќе се случува до крајот на месецов, но нема да плаќаме неправедни цени. Во 2019 година го сакавме Хари Мегваер, но не го купивме, зашто не сакавме да ја платиме бараната сума. Лани го сакавме Марк Кукурелја, но не плативме. Во 2018 го сакавме Алексис Санчес, но не плативме. Даваме пари само ако цената е праведна и реална, во спротивно, си имаме играчи од академијата“ – вели Гвардиола.
