Дербито на градот Манчестер денеска го окупира вниманието на англискиот и европскиот фудбал, а стратегот на Граѓаните, Пеп Гвардиола, го најави на свој препознатлив начин.
Пеп Гвардиола беше јасен и директен:
„Откако сум овде, Манчестер сити секогаш бил подобар од Манчестер јунајтед. Последниве десет години ние сме подобри“, изјави Шпанецот.
💙🆚❤️ Pep Guardiola: “Since I arrived here, Man City have always been better than Man United”. pic.twitter.com/MW9emCGJ7Q
— Fabrizio Romano (@FabrizioRomano) September 13, 2025
Неговиот колега, Рубен Аморим, возврати со пофални зборови за противникот.
„Не можете да ме споредувате со Гвардиола. Тој човек секогаш победува. Може да си дозволи да биде релаксиран и кога не победува, но јас морам секој ден да се докажувам“, истакна Португалецот.
Досега Манчестер јунајтед има забележано 80 победи, Манчестер сити 61, а 55 натпревари завршиле без победник. Во последната деценија Граѓаните доминираа не само во овој дуел, туку и во англискиот фудбал воопшто.
Сити влегува во дербито по два последовни порази, од Брајтон (2-1) и од Тотенхем (0-2), додека Јунајтед е во подобра атмосфера по победата над Барнли (3-2) во претходното коло.
Покрај ова дерби, денеска во Премиер лигата ќе се одигра и натпреварот меѓу Барнли и Ливерпул, кој започнува во 15 часот.
