Манчестер сити на свој терен со 5:1 го декласираше Фулам во меч од четвртото коло во Премиер лигата. Ерлинг Халанд блескаше и постигна хет-трик, а имаше и асистенција за еден погодок. По завршување на дуелот, Халанд призна дека гостите од Лондон биле оштетени и тоа во клучен момент од средбата.
Алварес погоди за водство на Граѓаните од 1:0 во 31 минута, но само две минути подоцна гостите израмнија. Се чинеше дека ќе биде нерешено на полувреме, но во петата минута од судиското надополнување на првиот дел, Аке погоди за 2:1. Гостите реагираа и сите мислеа дека овој погодок ќе биде поништен поради офсајд во кој беше Аканџи. Иако Аканџи не ја допре топката, тој влијаеше на играта, а според правилата тоа е доволно да биде играта сопрена, но судијата Мајкл Оливер остана нем. Дури и Халанд вели дека тоа требало да биде офсајд.
„Мислам дека тоа беше офсајд. Се чувствувам лошо поради таа одлука на судијата на штета на Фулам. И јас би бил бесен ако тоа нас ни се случеше. Тоа е неубаво чувство“, рече Халанд по мечот.
I felt Haaland was slightly offside on the buildup to the first goal but I give that the benefit of the doubt but the second goal should not have stood Akanji is interfering with play as he has to literally move out the way, is that not impeding the keepers line of vision? pic.twitter.com/9QUF72PMCy
— Stretford Post (@StretfordPost) September 2, 2023
Манчестер сити има максимални 12 бода по првите четири кола и е лидер во Премиер лигата.
