Големата југословенска фудбалска ѕвезда, Вахид Халилхоџиќ го објави списокот со репрезентативци на Мароко за настапот на Африканскиот куп на нации и на него нема неколку големи фудбалски ѕвезди.
Популарниот Ваха продолжи во свој стил да не ги ферма размазените ѕвезди на Мароко, туку да гради селекција која во комбинација со тимски дух и индивидуален квалитете ќе се бори за пехарот на АФКОН.
Шампионатот ќе се игра во Камерун од 9 јануари до 6 февруари, а Мароко е еден од фаворитите за титулата на која ќе оди без Хаким Зијех од Челзи, Нусаир Мазрауи од Ајакс, Адел Тарабт од Бенфика, Амине Харит од Олимпик Марсеј и Јунес Белханда, кој игра во Турција за Адана Демирспор.
Сите тие се скарани со Халилхоџиќ, а најостар беше Белханда, кој изјави дека и да добиел повик од селекторот ќе го одбиел.
„Тој за мене е мртов, не постои. И да добиев повик ќе го одбиев. Не ме цени како спортист и од таков човек не ми треба ништо“, изјави Белханда.
Халилхоџиќ доби доверба и поддршка од мароканската федерација, а популарните Атлас Лавови и покрај ваквите неочекувани недоразбирања имаат силна репрезентација.
На списокот на Ваха се познати имиња од калибарот на голманот Бону, потоа Хакими, Ен-Несири, Саис, Амрабат, Буфал…
Во првата фаза Мароканците ќе играат во Ц групата со Гана, Габон и Комори.
