Сè уште не е познато дали седумкратниот првак Луис Хамилтон и наредната сезона ќе го гледаме во Формула 1.
Британецот се нема појавено во јавноста по последната трка во Абу Даби, каде што на патеката „Јас Марина“ во последниот круг ја загуби битката со Макс Ферстапен.
Тимскиот шеф на Мерцедес, Тото Волф, даде неколку изјави во коишто потенцираше дека ниту тие самите не знаат што ќе биде со нивниот прв возач.
Доколку Хамилтон одлучи да си замине од Формула 1, Мерцедес имаат подготвено замена со Шарл Леклер.
Младиот возач на Ферари е првиот пик за наследник на Луис, а негов тимски колега ќе му биде Џорџ Расел.
Секако, главната одлука за тоа дали и наредната сезона ќе вози во Ф1 на крајот ја има само Хамилтон и никој друг.
