Седумкратниот светски шампион Луис Хамилтон не го сокри разочарувањето по разочарувачкиот настап во квалификациите за Големата награда на Унгарија. Додека неговиот тимски колега Шарл Леклер ја освои пол-позицијата, Хамилтон заврши дури на 12-тото место.
Уште додека беше на патеката, Хамилтон преку радиото соопшти фрустрирачки коментар: „секојпат“, а подоцна објасни што точно мислел.
„Секојпат кога ќе направам нешто, испаѓа како да сум вишок“ – изјави тој. „Нема потреба од мене, како да сум непотребен во целиот процес. Тимот функционира совршено – гледате, другиот болид е на врвот. Можеби време е да ме заменат.“
Луис не е првпат да покаже фрустрација, нешто слично се случи и по квалификациите во Спа, кога отпадна уште во првата сесија. Но тогаш, на трката во недела, се врати со моќна изведба и лесно стигна до бодовите.
Во меѓувреме, Леклер ја нарече пол-позицијата во Будимпешта „најнеочекувана во кариера“, откако успеа да ги изненади фаворитите од Мекларен.
