Викендов во Абу Даби се вози последната трка од оваа сезона.
На патеката „Јас Марина“,како никогаш досега во последниве декади, Макс Верстапен и Луис Хамилтон влегуваат израмнети пред утрешната трка.
Сепак, возачот на Ред Бул денеска демонстрираше подобри перформанси и сосема заслужено ќе стартува од првото место, а тоа го призна и Хамилтон.
„Имаа навистина одлични квалификации, тоа мора да се признае и затоа имаат водство од 1:0.
Но, ова беше само првото полувреме, а утрешната трка ќе го покаже конечниот резултат.
Нам ни останува да бидеме максимално фокусирани и да видиме каде можеме да се подобриме со цел да им парираме на Ред Бул и Макс Верстапен“ изјави Британецот.
Утрешната трка е со почеток од 14:00 часот по Средноевропско време.
