По премиерната трка во Австралија, каде што Мерцедес оствари двојна победа откако Ботас победи на патеката во Мелбурн, а неговиот тимски колега и актуелен светски првак Луис Хамилтон заврши на второто место. Вчера во Бахреин, Мерцедес одново беше двоен победник, а Хамилтон и Ботас ги сменија позициите само поради техничките проблеми кои ги претрпе Шарл Леклер во клучни моменти од трката.
На 11 круга пред крајот, болидот на Леклер почна да откажува, според информациите од Ферари, се работи за дефект во цилиндрите од моторот, по што Французинот не можеше да вози со максимална брзина. Британецот заостануваше околу 10 секунди, но веќе следните два круга го престигна возачот на Ферари, а како што кажа Хамилтон, при престигнувањето му дигнал рака на Леклер во знак на сочувство.
На три круга до крајот, и Ботас ја „стопи“ разликата со Леклер, па му се придужи на Хамилтон за нова one-two победа.
„Кога поминував покрај Леклер, му подигнав рака, не можев никако да му помогнам бидејќи не се работеше за проблем на мојот болид. Се чувствував чудно по трката, неверојатно е колку нè посака среќата овојпат. Жал ми е за Шарл, и јас сум бил во таква ситуација, знам колку е фрустрирачки на таков начин да загубиш трка, но пред него е долга кариера, сигурен сум дека ќе освојува многу подиуми во иднина. Тој возеше многу подобро од неговиот колега (мисли на Себастијан Фетел)“, истакна Хамилтон.
Дваесет и едногодишниот возач на Ферари за првпат во кариерата се најде во топ 3 на една трка. Што се однесува за Фетел, тој трката ја заврши на петтото место откако се изврте со болидот во средина на трката. Губењето контрола над болидот го чинеше подиум бидејќи стартуваше од втората позиција заедно со Леклерк.
