Барселона со 1:0 го победи Атлетико во Мадрид и тоа беше доволно да се пласира во финалето на Купот на Шпанија. Во финалето ќе има вистинска прослава затоа што последена препрека да се стигне до трофејот е вечниот ривал Реал Мадрид.
Тренерот на Барселона, Ханси Флик, е пресреќен затоа што неговиот тим славеше на „жешкиот“ терен на „Ванда Метрополитано“ и најави дека неговите играчи мора да останат фокусирани ако сакаат да се надеваат дека сезонава може да освојат тројна круна.
Барселона е лидер во Примера дивисион, ќе игра во финалето во Купот на Шпанија, а е дел и од четвртфиналето во Лигата на шампионите.
„Во ред е да се сонува тројна круна, но мора да се остане фокусиран. Одигравме одлично против Атлетико, храбро. Дадовме само еден гол, но и тој беше доволен да стигнеме до финалето. Сите треба да бидеме горди затоа што знаеме колку е тешко да се победи на овој терен. Нашата одбрана функционираше перфектно. Многу сум среќен. Сега не мислам на финалето против Реал затоа што претходно имаме други мечеви. Следниот фокус е на средбата против Бетис“, рече Флик по синоќешната победа во Мадрид над Атлетико.
