Каталонскиот гигант Барселона сака да го продолжи договорот на Феран Торес. Тренерот Ханси Флик смета дека тој е важен дел од неговиот тим и сака да се осигура дека Торес ќе остане во Барса и во наредниот период.
Актуелниот договор на офанзивецот има важност до крајот на сезоната 2026/27, но раководството на клубот ќе му понуди обновување на соработката за дополнителни две години.
Феран Торес оваа сезона одигра 31 натпревар за Барселона во сите конкуренции, но само на десет од нив беше стартер. Сепак, неговиот ефект е одличен, постигна 11 гола и забележа три асистенции.
