Тренерот на Барселона, Ханси Флик, заработи црвен картон на мечот против Бетис од Ла Лига, во моментите кога беше досуден пенал за противник за израмнување на 1-1. Дисциплинската комисија на Фудбалскиот сојуз на Шпанија одлучи да го суспендира германскиот стратег на два меча, па Флик нема да може да биде на клупата на дуелите против Леганес и Атлетико Мадрид.
Барселона има рок од 10 дена да се жали на оваа одлука и да се обиде да ја намали или да ја поништи казната за својот тренер. „Каталонците“ на последните пет меча од Ла Лига играат во катастрофална форма и освоија само пет од можните 15 бодови.
