Барселона беше сопрена на „Камп ноу“ откако со 0:2 загуби од Атлетико Мадрид во првиот меч од четвртфиналето во Лига на шампиони. Каталонскиот гигант важеше за фаворит посебно поради тоа што пред само неколку дена го победи Атлетико во Мадрид, но сега загуби пред своите навивачи. Тренерот на Барселона, Ханси Флик е разочаран од резултатот, но не губи надеж дека неговиот тим може да оди во полуфиналето.
„Загубивме 2:0, но уште имаме шанси да победиме во Мадрид на реваншот. Нема да се предадеме додека имаме шанса. Ние сме Барселона, ние се бориме. Не се предаваме. Мора да мислиме позитивно. Знам дека сите се разочарани, од навивачите, ние како стручен штаб, играчите, но ќе се бориме и ќе се обидеме да го дадеме најдоброто“, рече Флик, кој потоа продолжи да ги анализира одлуките на ВАР системот и тоа како реагира техничката помош за судиите. По ВАР реакција, Кубарди доби црвен картон пред крајот на првото полувреме, додека реакција од собата за техничка поддршка немаше во второто полувреме кога фудбалерите на Барселона бараа пенал за нив.
„Не сум сигурен дали фаулот на Кубарси постоеше и дали е тоа за црвен картон. Топката беше зад играчот на Атлетико. „Зошто постои ВАР системот. Кога играчот на Атлетико Мадрид ја допре топката при изведувањето на топката од шеснаесетникот, зошто немаше ВАР систем? Тоа е неверојатно. Сите правиме грешки и тоа е нормално. Но не можам да разберам зошто немаше ВАР. Голманот ја изведе топката, а потоа дефанзивецот со рака ја допре топката. Во нормална ситуација тука ќе беше пенал за нас и црвен картон за противникот. Всушност втор жолт картон и исклучување. Во второто полувреме игравме добро иако имавме играч помалку“, реагираше Флик по завршување на синоќешниот дуел.
