Барселона е освојувач на трофејот во Купот на Шпанија, откако по голема борба и 120 минути игра, со 3:2 го победи вечниот ривал Реал Мадрид. Клучниот гол го постигна Кунде во 116 минута кога донесе водство за Барселона од 3:2.
Во последните моменти од мечот, Антонио Рудигер доби црвен картон и тоа додека беше на клупата за резерви. Бекот на Реал Мадрид не можеше да се исконтролира и со мраз фрли кон главниот судија Де Бургос.
Antonio Rüdiger looked to throw something at the referee at the end of the Copa del Rey final and was given a red card 😬
It took nearly the entire Madrid bench to hold him back 😅 pic.twitter.com/p7mZoT8yUF
— CBS Sports Golazo ⚽️ (@CBSSportsGolazo) April 26, 2025
Поради оваа неконтролирана реакција, Рудигер доби црвен картон, а дури потоа играчот на Реал збесна. Неколку луѓе кои беа на клупата на Реал требаше да го држат Рудигер кој сакаше да се пресмета со арбитарот.
Според најавите од Шпанија, Рудигер за овој неконтролиран потег и црвениот картон што го доби, може да заработи суспензија од четири до 12 натпревари.
