Раководството на Партизан преку соопштение објави дека Жељко Обрадовиќ и официјално повеќе не е тренер на белградските „црно-бели“, откако сите обиди да го задржат пропаднале.
Ова воопшто не им се допадна на навивачите на Партизан, „Гробари“, кои се собраа пред салата во која требаше да тренираат кошаркарите и побараа објаснување од раководството на клубот.
Протестот во еден момент премина во насилен, откако дел од навивачите започнаа да ги кршат стаклата на објектот во обид да влезат во салата. Иако беше планиран тренинг на кошаркарите, тој беше окажан од безбедносни причини, а полицијата набрзо успеа да ја скроти толпата.
