Натпреварот помеѓу Динамо Дрезден и Херта Берлин во втората Бундеслига беше прекинат околу половина час откако навивачите на гостинскиот тим почнаа да фрлаат димни бомби, факели и ракети на теренот и на трибините каде што беа противничките фанови. На ваквото неспортско однесување на фановите на Херта, реагираа домашните навивачи кои втрчаа на теренот и започнаа да ги враќаат запалените факели кон гостинските навивачи.
Потоа реагираа полицајците, па навивачите кои беа на теренот, веднаш се вратија на трибините. Полицијата стоеше на средината на теренот додека навивачите не се смирија. По 30-тина минути пауза, натпреварот продолжи, а на крајот гостите победија со 1:0 благодарение на погодок во 80 минута. Само три минути порано, домашниот тим промаши пенал.
Со оваа победа Херта е на седмото место на табелата во Цвајте, додека Динамо Дрезден е на 14 место со 29 бодови, колку што има и Гројтер Фурт кој е во зоната за испаѓање.
