Атмосферата во редовите на Манчестер јунајтед воопшто не е добра по поразот од Арсенал од 3-1, а дополнително се наруши и по изјавата на тренерот Ерик тен Хаг дека Џејдон Санчо не бил земен во составот бидејќи во текот на неделата лошо работел на тренинзите и не се залагал.
Веднаш следуваше реакција на фудбалерот преку социјалните мрежи, кој му одговори на холандскиот тренер дека тоа што му се прави не е фер.
„Ве молам немој да верувате во сè што ќе прочитате. Нема да дозволам луѓето да кажуваат работи за мене кои не се точни. Оваа седмица многу добро работев на тренинзите, а верувам дека постојат и други причини за ваквата одлука на менаџерот, во која не сакам да навлегувам. Долго бев жртвено јагне, што не е фер кон мене. Се што сакам е да играм фудбал со насмевка на лицето и да ѝ помогнам на екипата. Ги почитувам одлуките на стручниот штаб, играм со одлични фудбалери и благодарен сум на тоа, исто така знам дека и секоја недела ни претстои нов предизвик. Ќе продолжам да се борам за овој амблем без оглед на сè“, вели во својот коментар Џејдон Санчо.
Дваесет и тригодишниот фудбалер пред две години беше купен од Борусија Дортмунд за 85 милиони евра.
Jadon Sancho has issued this statement following Erik ten Hag’s comments on his recent training performances. pic.twitter.com/DczTt6xVDx
— ESPN FC (@ESPNFC) September 3, 2023
— Jadon Sancho (@Sanchooo10) September 3, 2023
