Австралискиот тенисер Бернард Томиќ е елиминиран уште во првото квалификациско коло на грендслем-турнирот Отвореното првенство на Австралија откако убедливо со 6:1, 6:4 загуби од Русинот Роман Сафиулин за помалку од еден час игра.
Кон средината на вториот сет, на паузата меѓу гејмовите, Томиќ гласно разговараше со судијата и се жалеше дека има симптоми на корона-вирус, но дека нема кој да го тестира.
„Сигурен сум дека ќе бидам позитивен на корона-вирусот во следните два дена. Тоа ти го кажувам…Не можам да верувам дека никој не прави тестови и дека на играчите им е дозоволено да излезат на терен со брз рапид тест направен во нивните соби. Нема официјално ПСЦ тестирање“, рече Томиќ.
Video: Absolutely insane pic.twitter.com/77AzJ2BqQE
— PCB Enthusiast (@PCBFan1) January 11, 2022
Непосредно по завршување на мечот, Томиќ повторно се огласи и уште еднаш потврди дека не се чувствува добро.
„Се чувствувам навистина лошо. Моментно сум во хотелската соба. Разговарав со докторите на теренот и тие од мене побараа да се изолирам. Уште никој не дојде да ме види“, се пожали Томиќ.
An update from Bernard Tomic who says he’s feeling “really sick”. Bizarre he went on-site feeling like this. https://t.co/RsRYzpmQwq pic.twitter.com/1JXCO0SGXy
— Reem Abulleil (@ReemAbulleil) January 11, 2022
