Тензиите на дербито помеѓу Интер и Јувентус, го достигнаа својот врв на полувремето кога имало жестоки реакции од раководството и тренерскиот штаб на Бјанконерите кој судијата Федерико Ла Пена.
Пјер Калулу беше исклучен откако доби два жолти картони, вториот беше за сомнителен фаул врз Алесандро Бастони и оваа одлука ги разгоре страстите и го одреди текот на средбата која заврши 3-2 за Интер, но Интер иако цело второ полувреме беше со човек плус на терен, до победата дојде во 90-та минута.
Од ВАР може да реагираат само во случај на директен црвен картон, но не и за втор жолт, па Калулу можеби и неоправдано мораше предвреме да го заврши мечот.
На скалите во тунелот што водат кон соблекувалните на „Сан Сиро“, главниот тренер на Јувентус, Лучано Спалети, го чекаше судијата Ла Пена и го подигна гласот за да го изрази своето силно несогласување со неговите одлуки. Масло на оганот долеаја генералниот менаџер Дамиен Комоли кој тргна физички да се пресмета, а Спалети мораше да го турне, за да спречи посериозен инцидент. Тука беше и Џорџо Кјелини, директорот за фудбалска стратегија на Јувентус. Поранешниот дефанзивец на Јуве исто така се вклучи во вербалната размена, викајќи кон Ла Пена и мавтајќи со рацете.
„Ова не може да биде, не може да биде, ова не постои на светот!“ викал Кјелини.
После мечот, Кјелини рече дека тоа што се случило било неприфатливо, и дека ВАР системот веројатно ќе мора да се промени, бидејќи е неприфатливо толку многу грешки да се повторуваат на толку важни натпревари. Спалети ја бојкотираше прес-конференцијата после мечот. Од Јуве побараа и шефот на судиите во Италија, Џанлука Роки, да си поднесе оставка.
Судијата Ла Пења остана рамнодушен, не реагираше на обвинувањата и само им гестикулираше на сите да одат во соблекувалната.
No way!!!! pic.twitter.com/oxtlHX32it
— Juventus News Live (@juvenewslive) February 14, 2026
