Хаос во Севиља: Реал Мадрид ги бојкотира сите активности пред финалето на шпанскиот Куп

Вистински хаос се случува вечерва во Севиља, градот каде што во сабота треба да се игра финалето од шпанскиот Куп помеѓу Барселона и Реал Мадрид. Од Кралскиот клуб побараа промена на главниот судија, Бургос Бенгоечеа, но и на ВАР-судијата, Пабло Фуертес, па откако нивното барање беше одбиено, од раководството на клубот се одлучија на бојкот.

Карло Анчелоти не се појави на официјалната прес-конференција, ниту кој било претставник на Реал, а Кралевите не се појавија ниту на официјалното фотографирање пред мечот.

🚨Informa @matoribio85 a ESTA HORA no es SEGURO que el @realmadrid dispute la FINAL de MAÑANA

📻 https://t.co/ilgsizI4uT pic.twitter.com/LPYjydEcg4

— Radio MARCA (@RadioMARCA) April 25, 2025

Сепак, следуваше вистинска „бомба“ откако беше објавено дека Реал Мадрид го откажал и официјалниот тренинг кој требаше да се одржи вечерва.

Од Кралскиот табор се најавува и бојкот на саботното финале, односно „тивко“ се најавува дека нема да истрчаат на тревникот во Севиља и да го одиграат дуелот против Барселона.

Претходно, своја изјава имаше и главниот судија на утрешниот меч, Бургос Бенгоечеа, кој беше разочаран од црната кампања која се води против него на клупската телевизија на Кралевите, па дури и неговиот малолетен син бил малтретиран на училиште поради објавените видеа.