Голем скандал го тресе турскиот фудбал, а од раните утрински часови започнаа апсења низ целата земја.
Фудбалерите на Фенербахче, Мерт Хакан Јандаш и Метехан Балтачи, се приведени во рамките на операцијата насочена кон истрага за обложување на фудбалски натпревари.
Јавниот обвинител објави дека е приведен и фудбалскиот судија Зорбај Кучук.
Во рамките на истрагата, голем број професионални фудбалери, менаџери и претседатели на клубови се во притвор, а апсењата продолжија и со втор бран.
Мерт Хакан Јандаш и Метехан Балтачи, фудбалери на Фенербахче и на Галатасарај, се меѓу приведените. Турските медиуми јавуваат дека моментно се пребарува домот на Јандаш.
Судијата Зорбај Кучук е приведен поради сомнителни финансиски трансакции откриени на неговите банкарски сметки. Метехан Балтачи, играч на Галатасарај, наводно имал обложувања на натпревари на својот тим.
Меѓу приведените е и поранешниот претседател на Адaна Демирспор, Мурат Санчак. Вкупно се 27-мина фудбалери, а засега е потврдено дека Балтачи се обложувал на натпревари на својот тим.
Мерт Хакан Јандаш, играч на Фенербахче, се обложувал преку легални обложувачки платформи, но исто така се истражуваат обиди на други лица да влијаат на исходот на натпревари.
Сопствениците и претседателите на Анкараспор и Назили Беледиеспор, како и двајца тренери наводно се обиделе да влијаат на натпреварот Анкарасор – Назили Беледиеспор одигран во април минатата година.
Шест лица, меѓу кои и еден фудбалер, се приведени за наводна завера за влијание на исходот на натпреварот меѓу Умранијеспор и Гиресунспор во 2023 година.
Седум лица се во притвор, вклучувајќи го поранешниот претседател на Адaна Демирспор, Мурат Санчак, поранешниот судија и сегашен спортски коментатор Ахмет Џакар и неговата сопруга, како и судијата Зорбај Кучук поради сомнителни финансиски трансакции.
До 7:15 часот утринава се приведени 35 лица со налози за апсење, притворање, претрес и одземање имот.
Се очекуваат повеќе информации за целиот обложувачки скандал што го потресе турскиот фудбал.
