Бен Симонс наскоро треба да дебитира во дресот на Бруклин нетс, а овој клуб нема да може да смета на многу погодени тројки од ова крило, кое го доведоа од Филаделфија во замена за бекот Џејмс Харден.
Статистиката е безмилосна и покажува дека Харден само на два меча како играч на 76-ките, погоди 8 тројки, што е за три повеќе од вкупниот број тројки кои ги даде Симонс за Сиксерс од 2017 година наваму.
Симонс за Филаделфија одигра 275 меча, а по бројот на тројки беше достигнат од Харден уште на дебито на Брадата за тој клуб во којшто замина како дел од размената со која Симонс им се придружи на Мрежичките.
