Хари Кејн ќе пропушти неколку дена тренинзи поради полесна повреда на потколеницата, објави Баерн Минхен. Англискиот напаѓач ја заработи повредата на натпреварот против Селтик во Лигата на шампионите (1-1), што довело до внатрешно крварење.
„Не сум сигурен дали ќе можам да играм против Ајнтрахт Франкфурт во недела“, изјави Кејн по пласманот на Баерн во осминафиналето со вкупен резултат 3-2. Тој додаде дека заработил и полесна повреда на вилицата при судир за време на ремито со Баер Леверкузен минатиот викенд.
Баерн Минхен е лидер во Бундеслигата со осум бода предност пред второпласираниот Баер Леверкузен. Кејн оваа сезона одигра 31 натпревар за баварскиот клуб, постигна 29 гола и асистираше за десет погодоци.
