По многу пресврти, Јувентус синоќа со 4:3 славеше над Интер во големото дерби на Италија. Јувентус два пати водеше, но потоа беше во заостанување од 2:3.
Сепак, во финишот, Јувентус со два гола направи нов пресврт, овојпат во своја корист. Младиот 19-годишен тинејџер Аџиќ влезе во игра пред крајот и беше херој на Старата дама. Не само што заигра во дресот на Јувентус во дуел со најголемиот ривал, туку успеа да го постигне и победничкиот гол во 90+3 минута.
„Магично.“ Влаховиќ неколку пати му повтори на Аџиќ потврдувајќи дека тој е херојот за победа на Охрид.. Неговиот гол за 4:3 го возбуди стадионот „Алијанц“ и му донесе на Игор Тудор уште три бода – неговите први во голем натпревар од Серија А како тренер на Јувентус. Аџиќ е најмладиот странец што постигнал гол за Јуве во Дерби д’Италија, со 19 години и 124 дена: до последната недела од преодниот рок изгледаше дека ќе мора да си замине, но наместо тоа – и покрај обидите на Палермо – тој одлучи повторно да остане во Јуве и да се обиде да го освои своето место во тимот.
Самиот Аџиќ вели дека е пресреќен.
„Работев напорно за овој момент, но сега морам да продолжам да работам уште понапорно бидејќи сакам да се подобрам уште повеќе“, призна Црногорецот. Тоа беше навистина магична ноќ за него, со оглед на тоа што никогаш претходно немал шанса да биде во центарот на вниманието. „Секогаш е сон да се игра за Јуве, а камоли да се постигне гол на толку важен натпревар“, вели Аџиќ.
