Атлетико Мадрид не греши двапати. Имаше водство против Клуб Бриж во Белгија, но го испушти за конечни 3-3, ама затоа на вечерашниот дуел во Шпанија славеше со убедливи 4-1 и го трасираше патот во осминафиналето на Лигата на шампионите.
Блескаше Александер Сорлот, кој беше стрелец на хет-трик. Норвежанецот го отвори резултатот во 23-тата минута, а Клуб Бриж израмни преку Жоел Ордонез во 36-тата минута.
Џони Кардосо на почетокот на вториот дел обезбеди нова предност за Атлетико, а потоа во финишот Сорлот постигна уште два гола за конечни 4-1.
