Шпанскиот прволигаш Хетафе го реактивираше својот интерес за македонскиот репрезентативен голман Столе Димитриевски. Столе брани за Рајо Валјекано, но наскоро би можело да направи трансфер во друг мадридски тим, и тоа во Хетафе.
Управата на Хетафе размислува за тоа кого би ангажирале ако еден од двајцата чувари на мрежата си замине и прв на листата на желби им е нашиот Димитриевски, кој има искуство од бранење во Примера.
Резервниот голман Леандро Чичизола има понуди да замине во клуб каде што би бил главен голман и ако минутажата му е пресудна, веројатно Аргентинецот ќе си оди. Испразнетото место би можело да го пополни Столе, за кого Хетафе се интересираше и во минатото, но не испратија официјално понуда до него. Во следните недели ќе се знае исходот и дали Димитриевски ќе се бори со Давид Сорија за стартното место на голот на Хетафе.
