Вечерва на „Олимпико“ и „Олд Трафорд“ пред мечевите од осминафиналето во Лигата на шампионите ќе се слушне химната на ЛШ, а малкумина знаат дека музиката е инспирирана од стара британска химна, која се интонирала при крунисување на монарси во 18-ти век.
Химната е напишана во 1992 година од англискиот композитор Тони Бритен, а базирана е на музиката од песната „Задок д прист“ од Џорџ Фредерик Хандел, и претставува нејзина преработка. Целата химна трае три минути, а во пошироката јавност е познат само завршниот дел.
Во текстот има реченици и мотивациски зборови на германски, француски и англиски јазик. Химната ја свири кралската филхармонија во Лондон, а за делот кој се пее, задолжен е хорот на Академијата на Сент Мартин.
https://www.youtube.com/watch?v=mf9LUNB-JsM
