Фудбалската репрезентација на Македонија за играчи до 17 години одигра нерешено, 1-1, на првиот контролен натпревар против Црна Гора во Подгорица. Овој меч воедно беше и деби на новиот селектор Ерхан Селими, кој дојде на местото на прерано починатиот Дашмир Беари.
Нашите фудбалери одлично го отворија натпреварот и уште во 18-тата минута Македонија дојде во водство од 1-0, откако Хисар Али успеа да го совлада голманот на Црна Гора.
Домашните фудбалери во 53-тата минута го израмниле резултатот преку Мартиновиќ. Вториот контролен натпревар ќе се одигра утре, со почеток во 11 часот.
За Македонија настапија: Илоски, Радевски, Исмаили, Атанасовски, Шаботиќ, Муслиу (78 Георгијевски), Љатифи, Андоновски, Али, Киш (61 Перески), Ристов (78 Арифи).
