Победата на Фенербахче над Дарушафака во турското кошаркарско првенство, српското крило Никола Калиниќ ќе ја памети по тоа што се здоби со скршеница на носот.
Српскиот репрезентативец се огласи на „Инстаграм“ и објави и фотографија со отечено лице и завиткан нос.
„Уште колку повреди треба да се случат, па судиите да почнат да свират намерни лични и да ги штитат играчите? Скршен ми е носот, ништо сериозно. За една недела би требало да се вратам на теренот. Сега барем носот ми е симетричен со вилицата“, напиша Калиниќ.
