Синоќа стартуваше новата сезона во германскиот фудбал и тоа со четири меча во Купот. Баерн Минхен немаше проблеми и со 4:0 победи на гости кај Улм, но на останатите три меча без многу возбудливо, а два бундеслигашки состави едвај победија.
Хофенхајм гостуваше кај Вурзбуркгер кикерс, тим кој игра во четвртата лига. Аутсајдерот прв даде гол, а Хофенхајм израмни на 1:1, па имаше продолженија. И тука први гол дадоа Вурзбуркгер кикерс за водство од 2:1, а Хофенхајм израмни во 107 минута на 2:2. Мораа да се шутираат пенали, а тогаш фаворитот ги погоди сите пет шута и се радуваше на триумф од 5:3.
Малку подобро помина Мајнц. Бундеслигашот будеше со 1:0 на гости кај Вехен, но откако израмни во 60 минута, победникот требаше да се решава и по дополнителни 30 минути. Мајнц даде два гола во продолженијата и тоа во 113 и 120 минута за влез во второто коло од групната фаза.
По продолженија се радуваше и Сент Паули по победата од 3:2 над Халешер. Денеска, утре и задутре ќе се одиграат дури 26 меча од првото коло на Купот на Германија.
