Хофенхајм и Мајнц со реми од 1-1 го затворија 17-тото коло во Бундеслигата. Фудбалерите на Жулијан Нагелсман го забележаа шестото реми во низа во германскиот шампионат, додека Мајнц веќе четири средби не знае за победа.
Головите се постигнаа за помалку од 20 минути, односно во воведот од натпреварот. Во 11-тата минута Демирбај донесе предност за домаќините, а пет минути подоцна Мајнц израмни преку Матета.
И покрај доминацијата на Хофенхајм во вториот дел, во кој дури 12 пати се заканија кон голот на Зентнер, неговата мрежа не се затресе до крајот на мечот.
По 17 средби во Бундеслигата, Хофенхајм стои на седмото место со 25 бода, додека Мајнц со 21 бод е на 12-тото место.
