Еден од најдобрите боксери од крајот на минатиот век, Евендер Холифилд, со полна пареа се подготвува да се врати во рингот. Откако се појавија шпекулации дека ќе се сретне со ривалот Мајк Тајсон во ревијален бокс-меч, Холифилд често е во теретана каде што работи на својата форма.
Новот видео кое го објави на „Инстаграм“ покажува дека Холифилд на 57 години уште е машина како порано. Инаку се водат преговори за средба со Тајсон по третпат во нивната кариера, а се претпоставува дека ќе ги вкрстат ракавиците на крајот од оваа година во Саудиска Арабија.
