Ватерполистите на Хрватска се пласираа во финалето на Олимписките игри откако вечерва во полуфиналето ја победија Унгарија со 9:8, и така закажаа голема пресметка со Србија за златниот медал.
Хрватска прва постигна гол преку Маро Јоковиќ, но Унгарија брзо направи пресврт и дојде до водство од 3:1. Баракудите потоа возвратија со серија од 2-0 преку Лорен Фатовиќ, а првата четвртина заврши со резултат 3:3.
На почетокот на втората четвртина, Мартон Вамош повторно им донесе предност на Унгарците, но Хрватска одговори со одлична серија, постигнувајќи три гола преку Фатовиќ, кој постигна уште два погодоци, и Марко Жувела, за водство од 6:5.
Во 16. минута, неверојатниот Фатовиќ го зголеми водството на 7:5, со што веќе стигна до петтиот гол, а резултатот остана непроменет до полувремето.
Во третата четвртина, Унгарија двапати успеа да го намали заостанувањето на еден гол, но во последниот период Хрватска влезе со водство од 9:7, благодарение на одбраната на Марко Бијац, кој спаси седмерец во последните секунди од третата четвртина.
Адам Наѓ постигна гол четири и пол минути пред крајот, намалувајќи на 9:8 и создавајќи драма во завршницата, но Унгарците не успеаја да израмнат и да обезбедат продолженија.
Фатовиќ беше херојот на Баракудите со пет голови од пет обиди, а два гола постигна Лука Букиќ.
За Унгарија, најефикасни беа Вамош и Силард Јаншик со по два гола.
Финалето меѓу Хрватска и Србија ќе се игра во недела од 14 часот.
