Репрезентацијата на Унгарија останува во игра за пласман во полуфиналето на Европското ракометно првенство, откако ја совлада Хрватска со 29-26. Од друга страна, хрватите полека но сигурно може да се пакуваат, бидејќи остануваат само со теоретски шанси за пласман помеѓу најдобрите четири во Европа.
Првото полувреме мина во знакот на Унгарија, која имаше постојано водство, но во вториот дел Хрватска се врати резултатски во игра и се до самиот финиш се играше израмнет натпревар.
Сепак, унгарците имаа подобар финиш и подобро се снајдоа од противникот, а во нивните редови блескаше Бенче Имре со седум погодоци од исто толку обиди.
Унгарија со оваа победа дојде до четири поени и истакна сериозна кандидатура за пласман во полуфиналето, а најверојатно ќе решава во директен дуел со домаќинот Германија. За разилка од нив, Хрватска останува на бодот кој го пренесе од првата фаза.
