Хрватскиот талентиран тенисер Дино Прижмиќ ќе биде противникот на Новак Ѓоковиќ во првото коло на гренслем-турнирот во Мелбурн, популарното Отворено првенство на Австралија. Ѓоковиќ ќе атакува на 11-тата титула на овој турнир, додека за Прижмиќ ова сигурно е најголемиот дуел во неговата досегашна кариера.
„Најдраги ми се Новак Ѓоковиќ и Рафаел Надал. Не ја копирам нивната игра иако некогаш се обидувам да одиграм нешто како тие што прават. Воопшто не е лесно затоа што тие се вистински мајстори на овој спорт. На Ѓоковиќ посебно му се восхитувам можеби затоа што е од овие простори и знам низ што се морал да помине. Ми се допаѓа неговиот настап, неговата упорност, неговата ментална сила“, неодамна рече Дино во изјава за „Вечерњи лист“.
Инаку Прижмиќ моментално е на 178-мо место на АТП-листата, а тој е и актуелен освојувач на јуниорскиот гренслем-турнир на Ролан Гарос од 2023 година.
#AusOpen Qualifiers placed:
[Q] Prizmic vs. [1] Djokovic
[Q] Sweeny vs. [22] Cerundolo
[Q] De Jong vs. Cachín
[LL] Mochizuki vs. Machac
[Q] Kovacevic vs. Tabilo
[Q] Cobolli vs. [18] Jarry
[Q] Kopriva vs. [29] Korda
[Q] Harris vs. Halys
[Q] Goffin vs. [21] Humbert
[Q] Mensik vs.… https://t.co/nkIUTZ0p3p— José Morgado (@josemorgado) January 12, 2024
