Менаџерот Хулен Лопетеги би можело да добие отказ, и тоа по итна постапка бидејќи Вест хем моментно не игра на задоволително ниво.
Поразот од Арсенал, а потоа и од Лестер синоќа ја отсликаа слабата форма на Чеканите, па веќе се појавија шпекулации за можни наследници на тренерската позиција.
Во моментот постојат двајца кандидати.
Првиот е Масимилијано Алегри, поранешниот тренер на Јувентус, кој често се поврзува со клубови што се наоѓаат во кризни периоди. Алегри има освоено шест титули во Италија и пет купови, но во последните неколку сезони неговите успеси се ограничени, поради што многу експерти сметаат дека можеби не е најдобриот избор за Вест хем.
Вториот кандидат е Серџо Консеисао, поранешниот тренер на Порто. Консеисао постигна големи успеси со Порто, освојувајќи три титули во португалското првенство и достигнувајќи две четвртфиналиња во Лигата на шампионите.
Се чини дека раководството на Вест хем наскоро ќе мора да донесе одлука за иднината на клупата на Чеканите.
