Навивачите на Ајакс и на Феенорд се познати по големиот меѓусебен ривалитет, кој стасува често до степен на максимална омраза, а и денеска не им беше гајле за последиците, па беа главни виновници за скандалот во холандскиот фудбал.
Прекинат е мечот од холандското првенство за јуниори, односно за играчи до 19 години меѓу Феенорд и Ајакс, а не помогнаа ниту молбите од легендите Дирк Кајт и Џони Хејтинга, да се сопре инцидентот.
Според холандските медиуми, навивачите на Ајакс нападнале група родители чии деца играат за Феенорд, па реагираше и полицијата.
Кајт и Хејтинга се обидоа да ги смират страстите на трибините, но без успех, па мечот е прекинат при резултат 0:0.
Zucht. Feyenoorders waren blijkbaar iets té luidruchtig, vlam in de pan #AJAfey pic.twitter.com/ZfZ49IyKE2
— Tib (@tib1969) May 25, 2019
На Феенорд му одговараше и реми за титулата, а Ајакс можеше само со победа да биде првак во јуниорска конкуренција, а сега непознато е кога и дали мечот меѓу Ајакс и Феенорд за играчи до 19 години ќе продолжи и ќе се доигра.
