Еден од најинтересни фудбалери на трансфер-пазарот е дефанзивецот на Кристал палас, Марк Гехи. Тој следното лето ќе биде слободен фудбалер, бидејќи му истекува договорот со премиерлигашот, па голем број на екипи гледаат можност да го ангажираат бесплатно.
Долго се зборува за интересот од Ливерпул, а неодамна во трката по неговиот потпис се вклучи и Барселона. Сепак, „каталонците“ не се единствената екипа од Ла Лига која има интерес за Гехи. Тука е и Реал Мадрид, чие раководството веќе се распрашувало, а последниот клуб кој се вклучува во битката за неговиот потпис е Баерн Минхен.
Марк Гехи потекнува од академијата на Челзи, а пред четири години беше купен од Кристал палас за 23,34 милиони евра. Сепак, англискиот репрезентативец не го продолжи договорот и налето ќе си замине како слободен фудбалер. Неговата моментална вредност се проценува на 50 милиони евра.
