Од меч во меч, Челзи тоне ли тоне подлабоко, а денеска Сините дома беа поразени од Брајтон со 1-2, иако водеа со 1-0, па со Френк Лампард на клупата, и понатаму не знаат за победа.
Ова беше лоша генерална проба за лондонскиот тим пред реваншот со Реал Мадрид. Брајтон во првото полувреме имаше дури 12 шута кон голот на Сините што е рекорд за ривал кој гостувал на „Стемфорд бриџ“. Голот со кој Брајтон победи беше прекрасен и со шут кој беше неодбранлив.
Диего Коста дури во 17-тиот настап за Вулверхемптон го даде својот прв гол, и придонесе за победата од 2-0 над Брентфорд. За натурализираниот шпански напаѓач, ова е прв гол во Премиер лигата после 2017 година кога играше за Челзи.
Со 2-0 победи и Кристал Палас на гости кај Саутхемптон, додека Фулам со триумф од 3-1 се враќа од гостувањето кај Евертон.
Ова е супер голот на Парагваецот Енсисо за победа на Брајтон над Челзи:
https://twitter.com/i/status/1647261472349716481
Луд натпревар со инфаркт завршница одиграа Тотенхем и Борнмут на кој славеа гостите со 2:3 и тоа со гол постигнат во 96-та минута.
Тотенхем поведе во 14-та минута со голот на Сон, но успеа да Борнмут направи пресврт, прво во финишот од првиот дел преку Вина израмни, а на стартот од второто полувреме Доминик Соланке погоди за 1:2.
Тотенхем се врати во игра на две минути до крајот кога Данжума израмни, но Утара во петтата минута од судиското продолжение постигна гол за триумф на Борнмут.
