Францускиот арбитер Клемон Турпан ќе го суди мечот меѓу Италија и Македонија, вечерва од 20.45 часот на „Ренцо Барбера“, што одлучува која репрезентација ќе го игра финалниот бараж за настап на Мундијалот во Катар.
Турпан според рангирањето на Француската фудбалска федерација им е најдобар судија во земјата, но има интересен случај токму овој месец.
На дуелот меѓу Монпелје и Ница што се играше на 12 март, односно пред неполни две недели, Турпан го исклучи Бразилецот Данте и досуди и пенал за домаќините.
Играчите на Ница протестираа и бараа Турпан да го провери спорниот момент од 35-тата минута, но тој одби и го исклучли Данте.
Савание го промаши пеналот со лош обид за Паненка, а Турпан по мечот беше критикуван и се бараше суспензија за него.
Судиската комисија потврди дека Турпан направи грешка, но судијата остана неказнет.
S'il avait été un joueur, Clément #Turpin aurait été suspendu plusieurs matchs pour une faute comparable à celle qu'il commet pendant Lyon-Lille. Là, c'est un arbitre et il continue d'officier comme si de rien n'était. À quand des sanctions contre les incompétents ? #MHSCOGCN
— Patrick Juillard (@PatrickJuillard) March 12, 2022
Сега, само 12 дена подоцна ќе им суди на Италија и на Македонија, вечерва во Палермо од 20.45 часот.
Турпан има 39 години, судеше на Мундијалот во Русија во 2018 година, а беше главен арбитер и на финалето во Лигата на Европа меѓу Вилјареал и Манчестер јунајтед лани во мај, што го добија Шпанците со 11:10 на пенали.
