Динамо Дрезден ќе игра во второто коло на националниот Куп на Германија по убедливата победа од 4:1 против Хамбургер, а навивачите на домашниот тим поставија рекорд во првата рунда на популарниот ДФБ Покал.
Над 10 илјади навивачи на Динамо Дрезден беа присутни на стадионот „Рудолф Харбиг“ во Дрезден, што е најголема бројка во првата рунда на најмасовното фудбалско натпреварување во германскиот фудбал.
About 10,000 fans are reportedly at the Rudolf Harbig Stadion as third division side Dynamo Dresden host HSV (2. Bundesliga), the German Cup first round's highest attendance.
Those were the scenes before kickoff.
Video: @DynamoDresden #DFBPokal #SGDHSV pic.twitter.com/6NG33Pzqse
— DW Sports (@dw_sports) September 14, 2020
Симпатизерите на Динамо се познати како едни од најлојалните во светот на фудбалот. Познати се нивните акции во обид да му се помогне на клубот со светла традиција, што има финансиски проблеми во последно време, кои и го доведоа до пад во третиот ранг на натпревари.
Приврзаниците на клубот од Дрезден купуваа билети, и тоа масовно, и кога не можеа да бидат присутни на трибините, а долго ќе се памети нивната инвазија на Берлин, лани во меч од Купот на Германија против Херта.
Во главниот град на Германија пристигнаа дури 35 илјади навивачи на Динамо, што е рекордна посета за гостински тим во Германија.
Во останатите два меча што се одиграа денеска во првото коло од Германскиот куп, Хановер се пласираше во следната рунда со триумф од 3:2 против Вирцбургер кикерс, а Есен го изненади новиот бундеслигаш Арминија Билефелд со победа од 1:0.
Од 20.30 часот ќе играат Дуисбург и Борусија Дортмунд, што е последен меч од првото коло за овој месец. Во октомври треба да се одиграат и последните два натпревари меѓу Швајнфурт и Шалке 04 и дуелот меѓу Дурен и Баерн Минхен.
