Остин Ривс со брилијантна партија против Денвер нагетс и историскиот трипл-дабл барем малку ги загреа срцата на навивачите на Лос Анџелес лејкерс во катастрофалната сезона за НБА-гигантот.
Ривс е првиот недрафтуван дебитант во историјата на НБА-лигата што има трипл-дабл, а притоа постигнал 30 или повеќе поени.
Ноќеска во маратонски меч тимот од Ел-Еј го победи Денвер нагетс со 146:141 по едно продолжение, а 23-годишниот Ривс постигна 31 поен, имаше 16 скока и 10 асистенции.
Соиграчите му честитаа на интересен начин во соблекувалната, во сезона што е лоша за 17-кратниот првак во НБА, кој нема да игра во плејофот.
When your teammate becomes the first undrafted rookie in NBA history to drop a 30-point triple-double.
Here’s to you, Austin. pic.twitter.com/xQQen3Krpd
— Los Angeles Lakers (@Lakers) April 11, 2022
Остин не беше драфтуван на изборот на нови кошаркари во НБА-лигата лани, но во август потпиша таканаречен двонасочен договор со Лос Анџелес лејкерс, според кој ако игра во НБА, ќе има поинаква плат, од таа доколку игра во филијалата на НБА, или таканаречената НБА-Г лига.
Веќе следниот месец, во септември Ривс потпиша стандарден договор со Лос Анџелес лејкерс и сега стана и првиот кошаркар дебитант во историјата на најсилната кошаркарска лига со трипл-дабл во кој постигна над 30 поени.
Career nights for Austin Reaves and Malik Monk as the @Lakers win an OT thriller!
Monk: 41 PTS (career high)
Reaves: 31 PTS, 16 REB, 10 AST (career highs) pic.twitter.com/7bYDTpWJj3— NBA (@NBA) April 11, 2022
Тој ќе продолжи да игра за Лос Анџелес лејкерс, но не и тенерот Френк Вогел, кој доби отказ по лошата сезона со 33 победи и 49 порази, што не им донесе учество во плејофот.
