Македонскиот фудбалски првак во женска конкуренција, Љуботен од Тетово, не се пласира во финалето на квалификацискиот турнир за Лигата на шампионите, кој се игра на тренинг-центарот на ФФМ „Петар Милошевски“ во Скопје.
Австриски Сент Пелтен беше пресилен за македонскиот тим, кој освен Македонки, во своите редови има и фудбалерки од Бразил и Србија. Сепак, Љуботен е дебитант, па и покрај поразот од 0-7, ова искуство може да им користи во иднина.
Во првото полувреме Австријките постигнаа три гола, а во второто четири, од кои два во судиското продолжение. Во финалето, Сент Пелтен ќе игра со Динамо Минск, кој со 5-0 славеше над бугарскиот Локомотив Стара Загора.