Фудбалерите на Горица со 4:1 славеа во дуелот против Локомотива во последниот меч од 12-тото коло во хрватското првенство. Со оваа победа Горица ја прекина низата од четири порази и сега има 14 бода од 12 меча, што е доволно за осмото место на табелата.
Тоа што е карактеристично за овој дуел е дека два од петте погодоци всушност беа автоголови, а посебно впечатлив беше тој на Алекс Стојаковиќ во шестата минута, кога неспретно реши да ја врати топката кон својот голман, и тоа со шут од над 50 метри, односно од противничката половина. Гостинскиот голман остана изненаден и не можеше да спречи ефектен автогол.
